Низ годините имавме многу вакви моменти. Ќе ги спакувавме производите, ќе го подготвевме штандот и ќе тргневме на нова средба со луѓето.
За нас, саемите, промоциите и различните настани никогаш не беа само место каде што ги изложувавме нашите производи. Таму имавме можност лично да разговараме со оние кои веќе нè познаваа, но и со луѓе кои за првпат се среќаваа со Роза Канина.
Се зборуваше за растенијата, за производите, за нивната подготовка и употреба. Се разменуваа искуства, се поставуваа прашања, а често се зборуваше и за чичко Науме, неговото знаење и годините поминати со растенијата. За многумина токму тој беше човекот преку кого првпат ја запознаа Роза Канина.
Многу работи оттогаш се променија. Се менуваа амбалажите, производите се развиваа, а се менуваше и начинот на кој ги претставуваме. Денес голем дел од тие разговори продолжуваат и преку нашиот веб сајт и дигиталните содржини.
Но непосредната средба со луѓето за нас и понатаму има посебна вредност.
Кога денес ќе погледнеме фотографија како оваа, не ги гледаме само старите амбалажи и еден штанд. Се потсетуваме на луѓето, разговорите и сите оние мали средби што низ годините станаа дел од она што денес е Роза Канина.
