Оваа фотографија е еден од тие моменти. Старите амбалажи денес ни се потсетник колку многу работи се промениле, но најважното останало исто. Луѓето и разговорите секогаш биле, а и денес се, најубавиот дел од овие средби.
И денес сакаме да разговараме со вас. Да слушнеме што ве интересира, да одговориме на вашите прашања и да ги слушнеме вашите искуства. Некои од вас нè познаваат со години, а некои дури сега ја запознаваат Роза Канина.
Се зборува за растенијата, за производите и за начинот на кој ги создававме и ги создаваме. Се споделуваат искуства, се поставуваат прашања, а понекогаш разговорот ќе нè потсети и на чичко Науме.
Начинот на кој се среќаваме денес е поинаков. Некогаш беше најчесто на саем или промоција, а денес се среќаваме и преку нашиот веб сајт, социјалните мрежи, пораки и телефонски разговори. Но желбата за непосреден контакт останува иста.
Затоа и денес ни значи кога ќе застанете да поразговарате со нас, кога ќе ни поставите прашање, ќе споделите свое искуство или едноставно ќе ни кажете дека нè следите и познавате со години.
Фотографиите од минатото ни се драги, но најважно ни е што приказната продолжува и денес. Со секоја нова средба, нов разговор и нов човек што ја запознава Роза Канина, се создава уште еден мал дел од таа приказна.
